РУСКИ КЕРЕСТУР – Женски рукометни клуб „Русин” внєдзелю, 17. новембра у спортскей гали у Руским Керестуре одбавел седме першенствене стретнуце Другей лиґи Войводини процив екипи ЖРК „Оджак” зоз Оджаку и зазначели пораженє зоз резултатом 14:20 (8:10).
За ЖРК „Русин” наступели – Лена Малацко, Ивана Пеїн, Рамач Милена, Валентина Гарди, Ана Пеїн, Аня Симич, Теодора Русковски, Андрияна Штранґар, Кяра Будински, Сабина Планчак, Александра Штранґар, Венґрин Ема, Николина Радович и Николина Гарди.
При керестурских рукометашкох найвецей ше визначели капитен Александра Штранґар зоз посцигнутима пейц ґолами и Аня Симич хтора дала штири ґоли.
У идуцим колу першенства Другей лиґи Войводини ЖРК „Русин” будзе бавиц процив екипи ЖРК „Нафтаґас” зоз Елемиру.
