тм Руске слово

автор Nemanja Vukosav

ЗАНЯТИ У НВУ РУСКЕ СЛОВО (ПО АЗБУЧНИМ ШОРЕ)

 

АФИЧ МАРИЯ закончела Основну школу, „Петро Кузмяк” у Руским Керестуре, ту и Заєднїцку штредню и Унапрямену – прекладательни напрям. Дипломовала на Южнославянских язикох на Филозофским факултету у Новим Садзе. У Установи роби як дописователька у Дописовательстве у Руским Керестуре, дзе и жиє.

Др ВАРҐА БОРИС закончел Основну школу и Ґимназию „Петро Кузмяк” у Руским Керестуре, дипломовал и маґистровал на Львовским националним универзитету Ивана Франка. Докторовал на Факултету политичних наукох у Беоґрадзе. Видал осем кнїжки з обласци литератури, публицистики и науки по руски и по сербски. Наградзени є за литературу (1998) и новинарство (2019). Од 2018. року директор є НВУ „Руске слово”. Жиє у Новим Садзе.

ВУЯЧИЧ ВЕРОНИКА oсновну школу закончела у Коцуре, а стредню у Вербаше и Кули. Дипломовала на Oддзелєню за русинистику на Филозофским факултету у Новим Садзе. У Установи хвильково, од 1. октобра 2022. року, роби як одвичательна редакторка Новинскей аґенциї „Рутенпрес” и роби як редакторка фото рубрики.  Поряднє участвує на Рочней вистави фоторепортерох Нового Саду и Войводини „Обєктивно” у Музею Войводини од 2016. року.

ГОРНЯК КУХАР МИРОН, закончел Основну школу и Ґимназию „Жарко Зренянин” у Новим Садзе, дипломовал Психолоґию на Филозофским факултету, дипломовал Економию на Економским факултету и мастер теолоґиї на Протестантским теолоґийним факултету. У Установи є редактор рубрикох „Духовни живот” и „Нашо места”. Жиє у Новим Садзе.

ГУДАК МАРИЯ закончела Основну школу “Петро Кузмяк” у Руским Керестуре и Ґимназию „Йован Йованович Змай”, найпрям информатики (ґрафични оператер) у Новим Садзе. У Установи роби як ґрафични дизайнер, часописох и кнїжкох. Жиє у Новим Садзе.

ДЖУДЖАР МАРИНА закончела Основну школу и Ґиманзию „Петро Кузмяк” у Руским Керестуре, а мастеровала на Оддзелєню за русинистику на Филозофским факултету у Новим Садзе. Роби у Дописовательстве „Руского слова” у Руским Керестуре.

ДЇТКО ВЛАДИМИР дипломовал на Правним факултету у Новим Садзе. У Установи роби як дописователь, и информує зоз општини Шид. Пише дзецински писнї и тексти за народни шпиванки. Длугорочни є дописователь дньових новинох „Вечернє новости” и „Зов”. Жиє у Шидзе.

ДЮРАНЇН ЯСМИНА закончела Основну школу и Ґимназию „Петро Кузмяк” у Руским Керестуре и дипломовала на Оддзелєню за русинистику на Филозофским факултету у Новим Садзе. У Установи од 1. децембра 2017. року по 1. октобер 2022. року робела як одвичательна редакторка Новинскей аґенциї „Рутенпрес” и сайта. Жиє у Сримскей Каменїци.

ЗАЗУЛЯК ГАРДИ МАЯ, закончела Основну школу и Ґимназию “Петро Кузмяк” у Руским Керестуре и дипломовала на Одсеку за медийски студиї на Филозофским факултету у Новим Садзе, а мастеровала на истим факултету, на напряму Комуниколоґия. У Установи робела як одвичательна редакторка Мултимедиялного часопису за младих МАК, а од 1. септембра 2022. року роби як одвичательна редакторка часопису за дзеци Заградка. Жиє у Руским Керестуре.

КОВАЧ ЯСНА закончела Основну школу и Ґимназию „Петро Кузмяк” у Руским Керестуре и дипломовала на Економским факултету у Суботици. У Установи роби як шеф финансийно-рахунковдствених роботох. Жиє у Новим Садзе.

 

КОЛОШНЯИ МАРИЯНА закончела Основну школу „Светозар Милетич” у Вербаше, Ґимназию „Петро Кузмяк” у Руским Керестуре и дипломовала на Правним факултету у Новим Садзе. У Установи роби як дипломовани правнїк за правни, кадровски и административни роботи. Жиє у Вербаше.

МЕДЄШИ АНДРЕА закончела Основну школу и Ґиманзию „Петро Кузмяк” у Руским Керестуре, а мастеровала на Оддзелєню за русинистику на Филозофским факултету у Новим Садзе. Роби у Дописовательстве „Руского слова” у Руским Керестуре. Хвильково роби як одвичательна редакторка Мултимедиялного часопису за младих МАК.

НЯРАДИ СЛАВКО закончел Основну школу „Йован Дучич” у Петроварадину, Ґимназию „Светозар Маркович” и Економски факултет у Новим Садзе. У Установи роби як дипломовани економиста за финансийно-рахунководствени роботи. Жиє у Новим Садзе.

ПАЛАНЧАНИН АЛЕКСАНДАР закончел Основну школу „Светозар Милетич”  и Ґимназию „Жарко Зренянин” у Вербаше. Дипломовал на Факултету политичних наукох у Заґребе. У Установи роби як редактор спортскей рубрики. Жиє у Новим Садзе.

ПЛАНЧАК-САКАЧ ОЛЕНА дипломовала на напряму Югославянски литератури и сербскогорватски язик на Филозофским факултету у Новим Садзе. У Установи робела як редакторка рубрики „Култура и просвита” и додатка за литературу „Литературне слово”, а од 2021. року як главна и одвичательна редакторка новинох. Пише литературну и театралну критику, поезию и прозу, а була и рецензент у оценьованю кнїжкох. Обявела штири кнїжки, и добитнїца є Медзинародней литературней награди за поезию у Мелнику, у Болгарскей за 2017. рок, як и награди часописа „Шветлосц”  „Микола М. Кочиш” за 2016/2017. рок, за серию литературних критикох. Член є Дружтва новосадских писательох и Дружтва писательох Войводини. Поезия єй прекладана на болгарски, румунски, мадярски, словацки и горватски язик. Жиє у Новим Садзе.

РИМАР МЕЛАНИЯ закончела основну школу и ґимназию по руски у Руским Керестуре Дипломовала на Природно-математичним факултету – напрям ґеоґрафия. Роби як одвичательна редакторка часопису за дзеци „Заградка”. Обявени єй 12 кнїжки поезиї и прози (од чого 11 за дзеци): 9 по руски и 3 по сербски. Пририхтала 3 антолоґиї и преложела єден роман за дзеци зоз сербского на руски язик. Преклада учебнїки ґеоґрафиї за основну школу и ґимназию зоз сербского на руски язик. Жиє у Петроварадину. Пензионовала ше 2022. року.

 

РУСКОВСКИ ОЛЯ закончела Основну школу „Братство єдинство” у Коцуре, Ґимназию „Петро Кузмяк” у Руским Керестуре и мастеровала на Оддзелєню за русинистику на Филозофским факултету у Новим Садзе. У Установи роби як дописователька зоз Коцура и Вербасу.

САБАДОШ ИВАН закончел Основну школу и Ґимназию „Петро Кузмяк” у Руским Керестуре и дипломовал на Оддзелєню за медийни студиї на Филозофским факултету у Новим Садзе. У Установи бул главни одвичательни редактор новинох „Руске слово” (2017-2021), а потим як заменїк главного и одвичательного редактора и редактор рубрики „Култура и просвита” . Жиє у Новим Садзе.

САЛАМУН САНДРА закончела Основну школи „Йован Йованович Змай” у Дюрдьове у руским оддзелєню, Ґимназию общи напрям „Светозар Маркович” у Новим Садзе, дипломовала на Оддзелєню за русинистику на Филозофским факултету у Новим Садзе. У Установи роби як дописователька зоз општини Жабель. Жиє у Дюрдьове.

САЛОНТАЇ ТАНЯ закончела основну школу у Вуковаре и Ґимназию „Петро Кузмяк” у Руским Керестуре, а дипломовала на Оддзелєню за русинистику на Филозофским факултету у Новим Садзе. У Установи роби як ґрафична дизайнерка. Жиє у Новим Садзе.

ТАМАШ МАРТИЦА закончела oсновну школу у Бачинцох и штреднє унапрямене образованє, Културолоґийни напрям у Шидзе. Дипломовала на Филозофским факултету у Новим Садзе, напрям – професор сербскогорватского язика и югославянскей литератури. Роби як редакторка рубрики „Економия”. У двох мандатох (2010-2018. рок) була директор Установи. Попри новинарскей роботи у „Руским слове”, робела як сотруднїк Новинскей аґенциї „Бета” и Програми на руским язику Радия и Телевизиї Войводини ЯМУ Радио-телевизиї Войводини. Предсидателька є Новинарскей асоцияциї Руснацох – НАР.
Єдна є з редакторох и авторка єдного числа текстох за два кнїжки о КПД „Карпати” з Вербасу. Авторка є монографиї „Роботи и прадки” – 60 роки Актива женох Коцура, хтора обявена 2008. року и коавторка моноґрафиї о 75 рокох Актива женох Коцура 2019. року. Жиє у Вербаше.

ФЕЙСА СЛАВИЦА основну школу на руским язику закончела у Основней школи „Братство єдинство” у Коцуре, два роки стреднєй школи у Вербаше, а други два у Стреднєй педаґоґийней школи у Новим Садзе. Дипломовала на Учительским факултету у Зомборе. У „Руским слове” роби як заменїца главного одвичательного редактора и редакторка рубрики „Людзе, роки, живот”. Жиє у Новим Садзе.

ХОМА ЦВЕТКОВИЧ БЛАЖЕНКА закончела основну и штредню школу у Руским Керестуре, дипломовала на Филозофским факултету у Новим Садзе, Оддзелєнє за русинистику. У Установи роби як лекторка/язична редакторка. Жиє у Сримскей Каменїци.

ЦАП М. МИКОЛА, основну школу з руским наставним язиком закончел у Коцуре, ґимназию у Вербаше, а Филозофски факултет (Ґрупа за югославянски и общу литературу) у Новим Садзе. У НВУ „Руске слово” роби як одвичательни редактор часописа „Шветлосц” и лектор и редактор Видавательного оддзелєня. Жиє у Коцуре.

ЦВЕЇЧ ЛЮПКА закончела oсновну школу у Кули, a штредню подобову „Боґдан Шупут” у Новим Садзе зоз званьом ґрафични технїчар дизайна. Дипломовала на Оддзелєню за русинистику на Филозофским факултету у Новим Садзе. У Установи роби на роботним месце ґрафичного редактора. Жиє у Футоґу.

ЧУЛУМ ТАТЯНА основну школу закончела у Футоґу, стредню Економску школу у Новим Садзе, дипломовала на Економским факултету, напрям маркетинґ менаджмент у Новим Садзе. У Установи роби як дипломовани економиста на финансийно-рахунководствених роботох. Жиє у Футоґу.

ШАНТА МИКОЛА народзени у Дюрдьове, а од 1965. року жиє у Вербаше дзе закончел основну и штредню школу, а од 1986. року у Коцуре. Висшу школу  як инжинєр польопривреди закончел на Польопривредним факултету у Новим Садзе. Пише поезию, прозу, драми, есеї. Обявює од 1979. року. Обявел шейсц по руски ,два кнїжки по серби, и написал два драми.

Єден є од порушовачох Християнского часопису „Дзвони”, член є Редакциї часопису за литературу „Траг” (Шлїд) и Дружтва писательох Войводини. Сотруднїк є порталу Збруч (Львов, Україна) и видавнїцтва и часописа Ґражда (Ужґород, Україна). У Установи роби як редактор Видавательного оддзелєня.

Його поезия и приповедки заступени у вецей антолоґийох, а прекладани су на сербски, українски, росийски, македонски и румунски язик.