БЕОҐРАД – Републична виберанкова комисија (РИК) на 51. схадзки, отриманей 12. янура, усвоєла вкупни звит о резултатох виберанкох за народних посланїкох Народней скупштини, хтори отримани 17. децембра.
Спрам тих резултатох до Скупштини Сербиї уходза 10 лїстини, од хторих лїстина „Александар Вучич – Сербия нє шме стануц” освоєла найвецей мандати – 129, односно 1.783.701 глас.
Лїстина „Сербия процив насилства” будзе мац 65 посланїчни мандати, зоз 902.450 чласи.
Лїстину „Ивица Дачич – премиєр Сербиї” потримало 249.916 гласачох, а у парламенту буду мац 18 посланїкох.
Лїстина коалициї НАДА за хтору гласало 191.431 особа будзе мац 13 посланїїцки мандати.
Лїстина Бранимира Несторовича „Ми – глас з народу” будзе мац 13 посланїкох, а за ню гласали 178.830 особи.
До парламенту войду и пейц меншински лїстини.
Лїстина Союзу войводянских Мадярох достала 64.747 гласи и шейсц места у парламенту.
За Лїстина Усаме Зукорлич – Зєдинєни за правду гласало је 29.066 особи, и буду мац два посланїцки места.
Лїстина СДА Санджаку – др Сулейман Уґлянин достала два посланїцки мандати, 21.827 гласи.
Лїстина политична борба Албанацох ше предлужує – Шаип Камбери, хтору потримал 13.501 гласач, у парламенту будзе мац єдного посланїка.
Єден мандат достала лїстина Руска странка – Слободан Николич, за хтору гласало 11.369 особи.
Спрам конєчних резултатох на виберанкох гласало 3.815.007 особи зоз правом гласа.