РУСКИ КЕРЕСТУР – У Штреднєй школи „Петро Кузмяк”, школяре шицких штирох рокох напряму туристично-готелиєрски технїчар мали нагоди упознац диґиталного креатора, сценаристу, водителя, автора емисиї „Виволай авантуру” котра вязана за путованя и природу – Радована Ковача.
З тей нагоди школяре достали увид до того цо ше скрива за и опрез камери под час його путованьох, а цо им вецей раз може помогнуц у дальшим школованю и професийним розвою.
Радован Ковач, родом зоз Кули, од 2019. року почал знїмац видео емисиї о природи „Виволай авантуру”, а циль им порушац людзох на активни живот и пребуванє у природи.
