ШИД – У Руским доме, з нагоди националного швета Руснацох вчера, 26. януарa отримани шаховски турнир у орґанизациї Спортскей секциї КПД „Дюра Киш“.
Змагали ше 28 шахисти зоз Руского Керестура, Петровцох, Бикичу, Бачкей Паланки, Беочину, Вуковару, Нового Саду и Шиду, а бавело ше седем кола по швайцарскей системи.


Перше емсто освоєл Драґан Остоїн зоз Беочину зоз 5,5 поенами, друге место Карло Бала з Нового Саду зоз пейц поенами, а треце Зоран Лїкар з Вуковару хтори тиж освоєл пейц поени.
Найлєпши омладинєц бул Илия Йованович зоз Бачкей Пaланки зоз пейц поенами, а специялну награду достал Филип Сувара зоз Бачкей Паланки зоз штири поени.
После урядового змаганя друженє предлужене на полудзенку за хтори орґанизаторе порихтали сримски паприґаш.
