НОВИ САД – И Покраїнска виберанкова комисия (ПВК) обявела Звит о конєчних резултатох виберанкох за посланїкох у Скупштини АП Войводини котри отримани 21. юния и 1. юлия.
Як ПВК сообщела, од вкупно 1.696.292 особох зоз правом гласа на покраїнски виберанки вишли 852.972 гласаче.
Найвецей гласи достала лїстина Сербскей напредней странки „АЛЕКСАНДАР ВУЧИЧ – ЗА НАШО ДЗЕЦИˮ котра достала 498,495 гласи и 76 мандати;
Лїстина ИВИЦА ДАЧИЧ –„Социялистична партия Сербиї (СПС), Єдинствена Сербия (ЄС) – Драґан Маркович Палма” достала 90.512 гласи, односно 13 мандати;
За Союз войводянских Мадярох „Vajdasági Magyar Szövetség” – Pásztor István – „Союз войводянских Мадярох” гласали 75.218 особи, и освоєли 11 мандати;
„Войводянски фронт” – зєдинєни за демократски Нови Сад (Лиґа социялдемократох Войводини, Войводянска партия и Вєдно за Войводину) достал 41.455 гласи, односно 6 мандати;
Коалиция „Метла 2020ˮ достала 35.4790 гласи и 5 мандати;
Лїстина „ЗА КРАЛЬОВИНУ СЕРБИЮ – ЗА СЕРБСКЕ ВОЙВОДСТВОˮ (Рух обнови Кральовини Сербиї, Монархистични фронт) – Жика Ґойкович достала 34.083 гласи и 5 мандати;
Лїстина „Др ВОЇСЛАВ ШЕШЕЛЬ – СЕРБСКА РАДИКАЛНА СТРАНКA” достала 26.489 гласи и 4 мандати.
Скупштина АП Войводини ма вкупно 120 посланїкох.