ВЕРБАС – Женски рукометни клуб „Русин” всоботу, 29. марца у Вербасу одбавел штварте першенствене стретнуце у другей полусезони Другей лиґи Войводини процив екипи ЖРК „Вербас” и зазначели пораженє зоз резултатом 40:27 (18:14).
За ЖРК Русин наступели – Сабина Планчак (c), Оля Матияшевич, Хана Будински, Аня Симич, Марияна Сивч, Кяра Будински, Ема Венґрин, Тияна Сабадош, Йована Шилованович и Николина Гарди.
Ґоли за екипу Русина дали: Сабина Планчак (11), Кяра Будински (9), Аня Симич (3), Хана Будински (2) и Йована Шилованович (2).
Тренер – Сабина Планчак.
У идуцим першенственим стретнуцу ЖРК „Русин” будзе бавиц у Руским Керестуре процив екипи ЖРК „Сонта” зоз Сонти.
