НОВИ САД – Транспорт на Варадинским мосту застановени пре оправянє конструкциї на Булевару Михайла Пупина.
Як гварели зоз Городскей управи за транспорт и драги, мост будзе заварти за моторни транспорт до 15. октобра.
Явне комуналне подприємство „Новосадска топлана” хвильково виводзи роботи на вецей локацийох у городзе.
Од 15. септембра тирваю роботи на вибудову маґистралного цепловоду и приключку у Зомборскей улїчки и на Булевару патриярха Павла, а законченє першей фази роботох плановане 15. октобра.
Роби ше и на Руменацкей улїчки, дзе дочасово заварта права транспортна смуга и тротоар, а планує ше же роботи буду закончени по 17. новембер.