ДЮРДЬОВ – З нагоди Дня ошлєбодзеня Дюрдьова у Другей шветовей войни, вчера, штварток, 23. октобра положени венєц на Памятнїк погинутим борцом НОВ у центре валалу опрез основней школи.
Представителє Општини Жабель и Месней заєднїци Дюрдьов, вєдно зоз гражданами дали чесц борцом зоз минуту цихосци. Потим, предсидатель Општинского здруженя Союзу здруженьох борцох НОВ Светозар Злоколица бешедовал о дню ошлєбодзеня Дюрдьова и других местох Општини Жабель. У Месней заєднїци Дюрдьов орґанизовани и коктел за присутних.
На означованю того значного дня у Другей шветовей войни були присутни представителє општинскей и локалней власци, валаских здруженьох, родзина страдалих и гражданє.
