ШИД – Традицийна манифестация „Срим клоб коб фест“ хтору орґанизує Здруженє гражданох „Сримска забивачка и колбасияда“ отримана всоботу, 18. октобра, у Словацким парку.
Манифестацию урядово отворел министер польопривреди, лєсарства и водопривреди Драґан Ґламочич визначуюци значенє и потримову єдней такей манифестациї хтора промовує продукцию и преробок меса, овоци, млєка, виробок ремеселнїцких продуктох и розвива ґастро-туризем.
Министер потим зоз представнїками локалней самоуправи нащивел штанди здруженя женох з општини Шид, алє и штанди продуковательох нє лєм зоз шидскей општини, алє и зоз других местох.
На манифестациї участвовали госци зоз 10 державох реґиона, а отримане змаганє у швидким обробку швинї дзе победзела екипа „Ґрмечка колбаса“ зоз Босни и Герцеґовини.
З тей нагоди на окремних штандох правело ше швижи колбаси, а отримане и змаганє у швидким єдзеню колбаси.
На бини у парку наступали н танєчни ансамбли, а вечар бул у знаку оркестра Александра Дуїна.
У рамикох манифестациї пияток у Словацким доме отримани преподаваня фаховцох на тему як випродуковац домашню автохтону брендирану колбасу.
