ДЮРДЬОВ – На школски маил од анонимней особи, вчера дополадня, 2. октобра, сцигла обява о бомби и до Основней школи Йован Йованович Змай у Дюрдьове.
Управа школи випочитовала процедуру и школяре нє мали наставу, пущени су дому, о чим поинформовани їх родичи.
Eкипи МУП-a препатрели обєкт и установели же безпечносц дзецох нє загрожена, та школяре у другей змени мали наставу по розпорядку.
У школи, вчера рано були и огньогасци.