25. СЕПТЕМБЕР – Нєшка ше означує Шветови дзень фармацеутох.
1807 – Народзел ше Алфред Луис Вејл (Мористоун, Ню Джерси, ЗАД, 25. септембар 1807 – Мористоун, Ню Джерси, ЗАД, 18. јануар 1859), машиниста и пренаходзач, вєдно зоз Самюелом Морзеом участвовал у розвою америцкей електричней телеґрафиї. Вейл и Морс були перши двоме телеґрафисти на експерименталней линиї медзи Вашинґтоном и Балтимором.
1823 – Сербскому писательови и язичному реформаторови Вукови Караджичови додзелєни почесни докторат Универзитета у Єни.
1992 – Москва и Вашинґтон одруцели єден з остатнїх остаткох жимней войни, понеже дошлєбодзели шлєбоду путованя русийским и америцким новинаром и дїловним людзом хтори робя у Русиї, односно у ЗАД.
1997 – Британски суперсонични автомобил поставел нови шветови рекорд у Невади кед посцигнул швидкосц од 1.142 километери на годзину.
Нєшка шветови дзень фармацеутох. На Шветовим конґресу фармациї и фармацийних наукох у Истамбулу 2009. року установени тот дзень як здогадованє на 25. септембер 1912. року кед основана Медзинародна фармацийна федерация.