ВЕРБАС – Пре високи температури, трошенє води значно звекшане, та з Явного комуналного подприємства „Комуналєц” Вербас апелую на шицких гражданох вербаскей општини же би зоз совисним и одвичательним одношеньом рационално и наменково хасновали воду.
Директор ЯКП „Комуналєц” Иґор Шкундрич визначел же пре окреме високи температури трошенє води звекшане за 30 досто у одношеню на просекове порядне трошенє.
По його словох, трошенє води у високим интензитету виноши 120 л/с, а же би система остала стабилна, воду ше муши рационално хасновац. На тот способ будзе оможлївене же би шицки жителє општини Вербас мали достаточно води, як и же би ше очувало систему подмирйованя з воду.
У Дїловней єдинки „Водовод и канализация” процес роботи ше одвива нєзавадзано, визначел Шкундрич, система стабилна, алє и попри тим, апелує ше на гражданох же би рационално хасновали воду у тих горуцих лєтнїх дньох.