РУСКИ КЕРЕСТУР – Пияток, 24. юлия у 93. року живота упокоєла ше Мария Чакан, наставнїца, просвитна совитнїца и авторка учебнїкох на руским язику.
Мария Чаканoва, дзивоцке Рамач, народзена 13. oктoбра 1933. рoку у Руским Керестуре. Основну школу и нїзшу ґимназию закoнчела у Руским Керестуре, Учительску школу у Суботици и такой почала робиц у керестурскей Школи. Висшу педаґоґийну школу закончела у Новим Садзе и як наставнїца предлужела робиц у Керестуре. Була oдата за Йoвґена Чакана, наставнїка и лектoра у НВУ Руске слoвo. Кед ше зоз фамелию преселєли до Нового Саду, робела у Педаґоґийним заводзе за проблеми настави на руским язику, потим Мария Чакан прешла робиц до Заводу за учебнїки, до рускей редакциї, одкаль пошла и до пензиї 1983. року. Участвовала у тимох на виробку учебнїкох на руским язику.
Була єдна з сновательох Дружтва за руски язик и литературу 1970. року у Новим Садзе, була и член роботних целох за отверанє Гимназиї у Руским Керестуре 1970. року. Остатнї роки жила у Руским Керестуре.
Мария Чакан будзе похована на теметове у Новим Садзе, 29. юлия 2026. року на 11:15 годзин.