ВЕРБАС – Преславйованє побиди „Студентскей лїстини – Студенти победзую” на позарядових парламентарних виберанкох у Вербаше и вербаскей општини предлужене и пондзелок у вечарших годзинох.
Коло 18 годзин ше у центру Вербасу позберала нєпреглядна колона автох, з подаєдним трактором и другима превозками, и зоз писканьом и музику ше превожели през шицки валали у вербаскей општини.
Вельке число жительох шицких местох зоз аплаузом, факлями и заставами дочекали колону автох у центру каждого валала – у Коцуре, Савиним Селу, Равним Селу, Змаєву и Бачким Добрим Полю.
По законченю обиходзеня валалох, шицки ше врацели до Вербасу и на Площи Николи Пашича у веселей и позитивней атмосфери предлужели славиц побиду „Студентскей лїстини”.
