Од нєшкайшей епизоди Емисиї за младих, хтора пременєла назву до ЗУМ, слухаче у каждей емисиї годни послухац и рубрику часопису МАК – Зумуй у МАК-у.
Инспировани зоз авдио кнїжками, у тей рубрики авторе буду читац свойо тексти хтори обявени у часопису, же би на тот способ вони могли буц доступни и у авдио форми за слуханє, на радию, алє и других платформох.
Младежску емисию ЗУМ на трецей програми радия Радио-телевизиї Войводини можеце послухац кажду стреду на 21:30, штвартками на 12:30 годзин, а мож ю послухац и на одложеним слуханю на сайту Радио-телевизиї Войводини.
Заплановане же би тота рубрика пошвидко була доступна и на платформи Ю’тюб и подкаст платформох як цо Спотифай и podcast.rs.