ДЮРДЬОВ – На фодбалским стадиону ФК Бачка 1923 на тогорочним Mемориялним турниру „За Мариа” бавели 46 млади фодбалски екипи у пейц возростних катеґорийох, народзени од 2012. по 2017. року.
Mемориялни турнир тирвал три днї – од пиятку, 28. авґуста по нєдзелю, 30. авґуст, а на нїм бавели по системи; 2013. рок – 10+1, 2015. рок – 8+1, други – 6+1.
У ґенерациї 2013 победзела екипа ФК „Др Болесников” Нови Сад, у ґенерациї 2015 победзела екипа ФК „Софекс” зоз Футоґу, у ґенерациї 2016 победзела екипа „Бечей” зоз Бечею, у ґенерациї 2017. победзела екипа „Войводина” зоз Нового Саду, а у ґенерациї 2018 победзела екипа „Єдинство” зоз Ґосподїнцох.
Турнир орґанизовал дюрдьовски Фодбалски клуб „Бачка 1923”, зоз предводзеньом Драґана Тривуновича, тренера младшим ґенерацийом. Орґанизаторе и того року обезпечели погари и медалї за перши три места, индивидуални награди за найлєпших поєдинцох, як и ошвиженє учашнїком. Орґанизацию помогли спонзоре и Општина Жабель.
