ВЕРБАС – По сообщеню ЯКП „Комуналєц”, три екипи Жимскей служби предходней ноци, од годзини после пол ноци по 7 годзин рано, розчисцовали драги котри у їх компетентносци.
Температури нїзши од нули условели творенє лядовици на драгох, визначене з того вербаского подприємства, а три екипи Жимскей служби шейсц годзини на терену розчисцовали драги першого, другого и трецого приоритету. Потрошене 16 тони солї и 350 килограми маґнезиюм-хлориду.
Нїзки температури наявени и за наиходзаци днї, а роботнїки „Комуналцу” порихтани за нови интервенциї, з порученьом шицким учашнїком у транспорту же би рушанє прилагодзели условийом на драги, преноши општински сайт.