ҐОРЛИЦЕ (ПОЛЬСКА) – У Ґорлицох и Флоринки у Польскей нєшка першираз будзе отримани Дзень Русинох на Лемковини, хтори орґанизую вецей русинско-лемковски здруженя и орґанизациї.
Дзень Русинох у Польскей будзе означени у просторойох Рускей берзи з преподаваньом о историї Лемкох, проєкцию филму „Република Флоринска”, о чим буду бешедовац Андрей Копча, Боґдан Ґамбаль и Олена Дуц Файфер.
На програми наступи и дзецински ансамбл „Терочка”, а Дзень Русинох будзе зкончени зоз широким стретнуцом у порти церкви у Флоринки.