Файта животинї: Пес (язавичар).

Як мено твойому любимцови? Хто му вибрал мено?

Мойому любимцови мено Шврча, а мено му дала моя мама.

Кельо ма роки?

Шврча ма шейсц мешаци.

Як вон випатра? Можеш го описац?

Чарни є, а под хвостом и на ногох ма дакус жовтого.

Цо твой любимец найволї робиц?

Шврча ше найволї гласкац и бавиц ше зо мну.

Зоз чим го кармиш?

Кармим го зоз остатком од полудзенку, лєбо з ґранулами.

Як ше ти зоз нїм бавиш?

Бавим ше зоз нїм так же му руцим лабдочку, а вон ми ю принєше.

Можеш нам виприповедац даяку шмишну ситуацию зоз нїм?

Кед бул мали, после даскелїх дньох як пришол до нас, нєстал. Ми думали же пошол, а вон упаднул до пиньвици.

Чи би ши препоручела и другим дзецом же би себе набавели такого любимца и прецо?

Препоручела бим шицким же би набавели такого любимца, бо им нїґда нє будзе допито.

Маш дома ище даяки животинї?

Нє мам вецей животинї, лєм Шврчу.