ВЕРБАС – На вчерайшей єденастей схадзки локалного парламенту, одборнїки Скупштини општини Вербас меновали и директорох явних подприємствох чий снователь Општина.
За директора ЯП „Дирекция за вибудов” Вербас меновани Иґор Милович, за директора ЯКП ”Стандард” Радомир Чурович, за директора ЯП „Вербас-ґаз” Радислав Бєлица, за директора ЯП за превоз путнїкох „Вербас” Милан Милич, а за директора ЯП за информованє „Вербас” Мирна Пароци.
Оборнїки прилапели и звит о витвореню буджету Општини Вербас по 30. септембер того року, принєсли Одлуку о окончованю комуналних дїялносцох, Ришенє о даваню согласносци на Вименки и дополнєня Програми дїлованя ЯП за информованє „Вербас” и друге.