Йован Живкович зоз Руского Керестура закончел штредню музичну школу „Петар Коньович” у Зомборе. Тераз ше уписал на Академию уметносцох у Новим Садзе.
Од мая 2014. року ше интересує за фотоґрафию, и перши слики зазначовал зоз мобилним телефоном.
У Зомборе, у новембру (2014.) участвовал на конкурсу, дзе 12 найлєпши авторе достали безплатни дводньови курс о фотоґрафиї, и ту надосц научел. Жада ше и надалєй усовершовац и виглєдовац нови рухи вязани за тоту уметносц.
Найволї фотоґрафовац природу, прето же так источашнє виглєдує швет коло себе. Любел би ше и професийно интересовац зоз фотоґрафию, поготов як даяки фотоґраф за „Националну ґеоґрафию”, дзе би могол вельо путовац.
На фотоґрафиї ше му пача моцни фарби и вельки контраст.