НОВИ САД – На Радио програми по руски нєшка на 12:30 годзин, будзе емисия Дом и фамелия.
У емисиї Дом и фамелия госцинска будзе ше бешедовац о першомайских шветох котри ше того року вяжу за викенд, та велї тоти шлєбодни днї вихасную же би даґдзе одпутовали або препровадзели час у природи. Фармацеутка Ґабриєла Степандич потолкує же цо треба вжац од лїкох и першей помоци на путованє. У емисия ше достанє и совит як ше зачувац од клїщох у природи.
Понеже яр у полним розмаху, тирва и ушорйованє дворох, заградкох и квеца. З тей нагоди побешедоване зоз Зорицу Макаї зоз Коцура котра ма красни желєни двор и праву оазу мира и фарбох котри опущую кед ше шедзи на дворе у природи. Як вона отримує двор, квеце и желєни туї дозна ше у емисиї. Отримани и Новосадски пияц квеца на котрим свойо сезонске квеце понукло и ґаздовство Байор зоз Коцура. Гелена Салаґ ше зоз городу преселєла до Дюрдьова, та бешедовала о предносцох живота на валалє.
Емисию Дом и фамелия мож послухац кажду стреду на 12:30 годзин на УКТ габох радия РТВ на 92, 100 и 107,1 мгг. Реприза емисиї на соботу на 7 годзин, а мож ю послухац и на одложеним слуханю на сайту Радио-телевизиї Войводини. Редакторки емисиї Наталия Дудаш и Саня Маркович.