НОВИ САД – На Радио програми по руски нєшка на 12:30 годзин, будзе емисия Дом и фамелия.
У емисиї Дом и фамелия будзе будзе ше бешедовац о тим же октобер мешац старших особох, та и векша увага на тей популациї. Того тижня отримує ше Дзецински тидзень, найвекша национална манифестация за защиту и промоцию дзецинских правох, а того року означує ше з мотом Же би дзеци були щешлїви – любов и почитованє, а нє сила.
Рижни активносци отримує ше у заградкох, школох, библиотекох и здруженьох. У Каритасу у Руским Керестуре кажди пияток ше отримую друженя за дзеци, та призначена и розгварка зоз волонтерку на тоту тему.
Славко Джужар зоз Нового Орахова у пензиї ше пренашол у голубарстве.
У Новим Садзе отримани Ноцни базар на котрим могло купиц рижни продукти, алє и ручни роботи. Прецо таки файти базарох интересантни нащивительом, годно послухац у емисиї.
Емисию Дом и фамелия мож послухац кажду стреду на 12:30 годзин на УКТ габох радия РТВ на 92, 100 и 107,1 мгг. Реприза емисиї на соботу на 7 годзин, а мож ю одслухац и на одложеним слуханю на сайту Радио-телевизиї Войводини. Редакторки емисиї Наталия Дудаш и Саня Маркович.