НОВИ САД – На Радио програми по руски нєшка на 12:30 годзин, будзе емисия Дом и фамелия.
У емисиї Дом и фамелия госцинска будзе Андреa Орос зоз Руского Керестура котра ма тройнята и ужива у їх одрастаню, алє ше моцує и зоз виволанями котри кажди период ноши.
10. октобра означени Дзень менталного здравя и з тей нагоди апеловане же би людзе водзели рахунку о своїм здравю, а у емисиї будзе психолоґа Соня Алексич котра бешедовала праве на тоту тему.
Тирваю пририхтованя за сезону зогриваня, та призначени и розгварки о тим же цо людзе хасную за огриву и цо им ше видзи як найлєпша опция. Редакторки емисиї Наталия Дудаш и Саня Маркович.
Емисию Дом и фамелия мож послухац кажду стреду на 12:30 годзин на УКТ габох радия РТВ на 92, 100 и 107,1 мгг. Реприза емисиї на соботу на 7 годзин, а мож ю послухац и на одложеним слуханю на сайту Радио-телевизиї Войводини.