ШИД – Спред Збору гражданох Шиду, вчера, 7. авґуста Сладяна Стоянович придала на писарнїци Општинскей управи петицию зоз 1148 подписами гражданох шидскей општини процив вибудови явней ґаражи коло будинка Културно образовного центра.
Подписнїки вимагаю же би локална самоуправа поцагла одлуку о явно-приватним партнерстве зоз єдним подприємством з Беоґраду о вибудови явней ґаражи.
Тиж подписнїки вимагаю и же би ше паркинґ сервис ознова врацело до рамикох ЯКП „Стандард”, дзе и бул до яри, а од теди наплацованє паркираня у городзе уступене приватному подприємству.