ЛОК – У 18. колу Другей новосадскей лиґи, у ярнєй часци першенства, внєдзелю 22. марца на фодбалским стадиону у Локу було стретнуце медзи Фодбалским клубом Слоґа и Фодбалским клубом Бачка 1923 зоз Дюрдьова.
Стретнуце закончене зоз резултатом 0:5 за Дюрдьовчанох. Ґол за Бачку, у 22. минуту дал Желько Тривунович, у 31. минути Раде Панич, потим у другим пол часу, у 52. и 58. минуту нови бавяч Стефан Максимович, док остатнї ґол за Бачку у 89. минуту посцигнул Милан Роґич. После того стретнуца, ФК Бачка 1923 на таблїчки Другей новосадскей лиґи забера штварте место з 35 бодами.
Шлїдуюце стретнуце дюрдьовски фодбалере одбавя на домашнїм терену зоз ФК Милетич зоз Мошорину котри пияти на таблїчки зоз 33 боди, а зазначел єдну побиду менєй як дюрдьовска Бачка.
Стретнуце будзе на нєдзелю, 29. марца, на 15 годзин.