РУСКИ КЕРЕСТУР – Здруженє продуковательох паприґи Капсикум анум поволує своїх членох на порядну Рочну скупштину котра будзе отримана нєшка з початком на 19 г. на Лонґове.
На скупштини попри порядних звитох и планох будзе дискусия о орґанизованю наиходзацей манифестациї „Днї керестурскей паприґи”, як и о субвенцийох и аґрарней политики котра пред парастами тей сезони.