ШИД – На схадзки Скупштини општини (СО) Шид хтора отримана вчера 30. децембра, одборнїки вигласали вецей значни одлуки за функционованє локалней самоуправи.
Прилапена Програма розвою туризма у општини од 2025. по 2030. рок, а дата и согласносц на звекшанє услугох ЯКП „Стандард“ за 3,5 одсто и ЯКП „Водовод“ за 3,7 одсто у 2026. року, а прилапени и програми дїлованя спомнутих подприємствох за шлїдуюци рок.
СО прилапела и програми роботи зоз финансийнима планами шицких 19 Месних заєднїцох на подручу општини за хтори вкупно опрезелєне 64.648.000 динари.
Опредзелєни средства зоз буджету за функционованє институцийох Скупштини општини, предсидателя општини, Општинскей ради, Явного правобранителя и Општинскей управи.
Дата согласносц на програми роботи зоз финансийним планом за 2026. рок за установи хторим локална самоуправа снователь, а принєшени и вецей кадрово одлуки вязани за орґани руководзеня у подприємствох и школох як и вецей маєтно правни одлуки з компетентносци локалней самоуправи.
