БИКИЧ – Всоботу 14. фебруара у Бикичу умарла у 91. року дзиячка Любица Роман, народзена Гнатко.
Любица була дзиячка у бикичскей церкви Успеня Пресвятей Богородици коло пейц децениї, а дзияковац почала после траґичней вчасней шмерци єй супруга.
Зоз своїм гласом прикрашовала богослуженя як на порядних нєдзельових Службох Божих, так и на швета, а як дзиячка помагала паноцом и на хованьох у Бикичу и Беркасове.
Любица Роман була школярка у першей ґенерациї 1941. року кед у валалє почала з роботу основна школа, а учитель бул Михайло Ковач.
Любица Роман похована внєдзелю, 15. фебруара на теметове у Бикичу, а поховали ю парох о. Владимир Еделински Миколка и парох у Шидзе и декан сримски о. Михайло Режак.