РУСКИ КЕРЕСТУР – У рамикох 35. Спортских бавискох Яша Баков внєдзелю, 15. марца у Спортскей гали у Руским Керестуре бул отримани турнир у одбойки. На турниру участвовали 4 екипи, два екипи з Руского Керестура, потим екипа РКЦ з Нового Саду и екипа Петровци (Горватска).
Турнир ше бавел по системи кажде з каждим, а побиднїка одлучовало кельо ше стретнуца победзело, як и сет количнїк.
Екипа СД Русин 2 з Руского Керестура освоєла перше место, Петровци зоз Горватскей були други, треце место завжала екипа РКЦ з Нового Саду, док штварте место була екипа СД Русин 1 з Руского Керестура.
