НОВИ САД – У Клубу аматерох Руского културного центру внєдзелю, 28. децембра почала нова пията сезона проєкту Прадки у Матки.
На Маткових прадкох госцовали жени зоз Здруженя женох Олория зоз Дюрдьова, хтори помогли и на прикрашованю простор у новосадскей Матки, хтори бул того вечара претворени до старого руского обисца.
На Прадкох ше на роботнї вишиваня научело вишивац, а було и музики, понукнути традицийни єдла и варене вино.
Реализацию проєкту: Прадки у Матки финансийно потримало Роботне цело за младих Националного совиту Руснацох.
