РУСКИ КЕРЕСТУР – На рибалову Еделински у Руским Керестуре, внєдзелю, 22. марца було отримане змаганє у спортским риболову на фидер – (Method Feeder).
На змаганю участвовали вкупно 17 змагателє, хтори були росподзелєни до трох секторох – А, Б и Ц.
Найлєпши резултати по секторох:
сектор A – 1. место завжал Велибор Влашкалич (67,100 килоґрами – 28 фалати);
сектор B – 1. место завжал Милован Калань (37,500 килоґрами – 17 фалати);
сектор Ц – 1. место завжал Джо Шапина (60,400 килоґрами).
На змаганю у спортским риболову влапене 222 фалати, а риба була чежка 538,8 килоґрами.
Окремне припознанє достал власнїк рибалова Мирко Еделински на потримовки и госцопримству, як и змагателє зоз Горватскей хтори участвовали на змаганю. Як подзекованє, погар достал судия нєдзельового змаганя, Стефан Влашкалич.
За перши три места зоз каждого сектору були обезпечени погари.
Орґанизатор змаганя у спортским риболову на фидер – (Method Feeder) у Руским Керестуре бул Мирко Фекете зоз помоцу рибалова Еделински.
