РУСКИ КЕРЕСТУР – Тей нєдзелї вишло нове число християнского часопису „Дзвони” хтори видава керестурска парохия.
У рубрики Духовне заренко текст о Рождеству Христовим, а у тим виданю и перше апостолске побудзенє папи Лєва 14. Ту и нове Слово живота як и духовни шведоченя християнского живота. Призначени и значни подїї за нашу Церкву – пошвецанє нового провинцийного дому у Новим Садзе и означованє пейц-рочнїци Центру Йосафата у Руским Керестуре, означованє 25-рочнїци священства о. Янка Гербута з Канади, хтори родом з наших крайох. Ту и подїї и духовни шведоченя вязани за нашо святилїще Водицу, активносци Каритасу, паломнїцтво младих до Риму и велї фото-вистки зоз наших парохийох.
У тим чишлє и рубрика З церковней историї у хторей текст о преписки нашого владики Дионизия Нярадия и митрополита Андрея Шептицкого хтори обявел др Юстин Бойко, студит.