НОВИ САД – На Новосадским сайме ютре, 27. новембра, почина 56. Медзинародни саям туризма и будзе тирвац до 29. новембра.
У Гали Мастер през три днї на Медзинародним сайме туризма свойо аранжмани буду понукац туристични аґенциї, орґанизациї, институциї, хотели, поєдинци и велї други. Наявели ше вецей як 250 учашнїкох зоз Сербиї, Сиверней Македониї, Чарней Гори, Румуниї, Мадярскей, Босни и Герцеґовини, Болгарскей, Греческей, Словениї и Русиї. Жем партнер того року Сиверна Македония.
Уход ше нє будзе наплацовац, алє обовязна будзе реґистрация нащиви. Реґистрацийни лїсток ше будзе хасновац як купон з хторим ше будзе участвовац у наградним бависку.
Роботни час Сайму будзе од 10 до 19 годзин.