СРБОБРАН – Младши катеґориї Фодбалского клуба „Искра” всоботу, 22. и внєдзелю 23. новембра у Србобрану одбавели друге и треце коло Жимскей лиґи процив екипи ФК „Будучносц” зоз Савиного Села и екипи Србобрана, и зазначели єдну побиду и єдно пораженє.
На тим стретнуцу бавели дзеци хтори ходза до другей класи основней школи.
Всобота, 22. новембер – ФК „Искра” 2017 – ФК „Будучносц” 2017 – 5:1. Ґоли за екипу Искри дали: Лазар Филеп (2), Арсениє Радошевич (2) и Марко Макаї (1).
Внєдзеля, 23. новембер – ФК „Искра” 2017 – ФК „Србобран” 2017 – 1:2. Ґол за екипу Искри дал Матея Бєлица.
На турниру у Србобрану бавели и наймладши, дзе екипа Искри 2019 одбавела процив екипи Србобран 2 и прешвечлїво победзела, а резултат бул 10:1.
ФК „Искра” 2019 – ФК „Србобран 2” 2019 – 10:1. Ґоли за екипу Искри дали: Стефан Малацко (6) и Давид Филеп (4).
Екипи ФК „Искра” 2017 и 2019 на стретнуцох водзел Неманя Родич.