ДЮРДЬОВ – На нєдзелю, 7. децембра у парохиялним доме церкви Рождества Пресвятей Богородици будзе отримана перша пасторална дїялносц за дзеци висших класох основней школи.
Як гварел, мастер филозофиї и теолоґиї Страхиня Здравкович, активносци буду у поради зоз дзецми, а на тему предстояцих шветох и вири. Мастер Страхиня Здравкович по походзеню зоз Осєку, зоз Републики Горватскей, а на пракси є у дюрдьовскей церкви и на пасторалней дїялносци будзе робиц з дзецми вєдно зоз домашнїм священїком о. Михаилом Холошняйом. Вони поволую дзеци най ше приключа и участвую.
План же би ше пасторалну дїялносц отримовало каждей нєдзелї, на 17 годзин у парохиялним доме и же би участвовали, як за тераз заплановане, дзеци висших класох основней школи.
