На соботу перши Мемориялни турнир у фодбалу „Владимир Малацко – Учо”

автор мзг
965 Опатрене

РУСКИ КЕРЕСТУР – На керестурским Ярашу на соботу, 19. мая, будзе отримани перши Мемориялни турнир у фодбалу „Владимир Малацко Учо”, у орґанизациї Фодбалского клубу (ФК) „Русин”.

На Турниру ше буду змагац дзеци у двох катеґорийох, а у каждей будзе по пейц екипи.

У катеґориї младших пионирох (2007. рок) наступи ФК „Русин” з Керестура, ФК „Текстилац” и ФК „Лидер”, обидва клуби з Оджаку, ФК „Славия” з Пиньвиц и ФК „Искра” зоз Коцура, док ше у катеґориї старших пионирох (2005. рок) буду змагац ФК „Русин”, ФК „Текстилац”, ФК „Лидер”, ФК „Славия”, як и ФК „Гайдук” з Кули.

Турнир почнє на 10 годзин, а уход шлєбодни.  

ПОВЯЗАНИ ТЕКСТИ