ЖАБЕЛЬ – Схадзка Скупштини општини Жабель, XIV у актуалним зволаню, отримана вчера, штварток, 23. априла. Пред одборнїками бул дньови шор зоз 15 точками о котрих ше нє розправяло и нє були поставени одборнїцки питаня, а тирвала коло дзешец минути. На схадзки було осемнац, од двацец єдного одборнїка. Шицки точки дньового шора, єдногласно прилапени.
Перша точка дньового шора була Одлука о ребалансу буджету за 2026. рок. Вигласани План ґенералней реґулациї населєня Чуроґ, Перша пременка кадровского плану за 2026. рок и Програма оцудзеня нєрухомосци у явней власносци Општни Жабель за 2026. рок. Вигласане Ришенє о даваню согласносци на Першу вименку Програми дїлованя Явного комуналного пордприємства „Чистота”, як и Ришенє о даваню сограсносци Другей вименки Програми дїлованя Явного комуналного подприємства „Водовод општини Жабель” за 2026. рок.
Вигласани Звит о роботи и дїлованю Општинскей народней библиотеки „Велько Петрович” и Туристичней орґанизациї општини Жабель за 2025. рок, як и упознаванє з Рочним планом роботи Општинскей управи Жабель за 2025. рок. Прилапени Рочни звит о роботи Општинского штабу за позарядово ситуациї за 2026. рок.
Єдногласно вигласане и Ришенє о розришеню окончователя длужносци директора Явней установи „Спортски обєкти” Жабель и Ришенє о менованю нового окончователя длужносци, та так Марко Шолая розришени и ознова меновани. Ришенє о розришеню окончователя длужносци директора Канцелариї за инклузию Ромох, як и Ришенє о менованю нового окочователя, та так Боґдан Радул розришени и ознова меновани.
Остатня точка дньового шора була Ришенє о менованю члена Општинского штабу за позарядово ситуациї, дзе меновани Радослав Клисара представитель Водопривредного дружтва „Шайкашска” Нови Сад.
