ДЮРДЬОВ – У Месней заєднїци стреду, 22. априла була порядна акция добродзечного даваня креви, на хтору ше давателє слабше одволали.
Акция тирвала два и пол годзини, крев дали двацец особи, з хторих седем були жени, а двойо одбити и двойо першираз дали крев.
Спред Червеного крижу, секретарка Драґица Стойшин гварела же на остатнєй акциї котра була у децембру крев дали ище менше число жительох, було их шеснац, алє и же у Дюрдьове людзе вше менєй заинтересовани дац крев.
Добредзечнє даванє креви у Дюрдьове орґанизовали Червени криж Општини Жабель и Завод за трансфузию креви Войводини, а шлїдуюца акция будзе у авґусту.