Од 25. новембра попуст 30 одсто за Миколая-крачунско-новорочни швета на кнїжки „Руского слова”

автор б. варґа
614 Опатрене

НОВИ САД – Друга сезона попусту од 30 одсто на шицки кнїжки у НВУ „Руске слово” за Миколая-крачунско-новорочни швета будзе тирвац од 25. новембра по 24. децембер 2020. року.

Електронски Каталоґ кнїжкох и виданьох у ПДФ формату можеце превжац на тим ЛИНКУ.

Кнїжки по барз вигодней цени годно купиц при колпортерох по наших местох, у представительствох НВУ „Руске слово” (у Новим Садзе на новей адреси Футожска 2, ІІІ поверх (од 9 по 14 годзин) и на нови дочасови 021 3020-167, або стари телефон 021 6613 697; у Руским Керестуре у будинку дакедишнєй Друкарнї на 2. поверху и на телефон РК 025 703 311, од 9 по 13 годзин).

Початком децембра НВУ „Руске слово” обяви дзевец публикациї, медзи котрима пейц за дзеци (два розкошни сликовнїци). Християнски календар за 2021. рок нє будзе на попусту.

Друга сезона уж традицийного попусту за Миколая-крачунско-новорочни швета уведзена же би ше у пакецику зоз кнїжку нєсподзивало наймладших.

Прешлого року НВУ „Руске слово” зменшало цени кнїжкох же би були доступнєйши нашим читачом, та векшина виданьох, як и луксузни сликовнїци, котри коштаю 300 дин, на попусту буду коштац лєм 210 дин.

Кнїжки „Руского слова” мож наручиц и прейґ сайту https://www.ruskeslovo.com/knjizkiporuski/com.

ПОВЯЗАНИ ТЕКСТИ