РУСКИ КЕРЕСТУР – У парохиї св. оца Миколая вишло двочисло (4-5) Християнского часопису „Дзвони”.
Нови „Дзвони” приноша огляднуце владики Георгия на 15-рочнїцу снованя нашого Апостолского еґзархату, звит з нєдавного Паломнїцтва до Лурду и здогадованя на подобне паломнїцтво пред 40 роками.
У рубрики „Стереотипи” розпатрена „Виронаука и наш идентитет”, ту и „Актуалносци зоз вселенскей церкви”, у „Слову живота” преглїбена християнска шлєбода, а у „Сримских дожицох” цо важнєйше чи обичай, бешеда чи вира.
„Дзвони” приноша звити з актуалних подїйох як цо представянє кнїжки о о. Дюрови Биндасови, означованю 10-рочнїци шмерци Кяри Лубик, новосци з Каритасу, фото-висти о преслави Пасхи по наших парохийох.
У додатку „Богословска думка” у часци пошвеценей Мариї толкованє нового швета хторе запровадзел папа Францис пошвеценого Богородици же є Мац церкви.
Интересантни и написи у „Шантовкох”, Здогадованя з лаґру Йовґена Папгаргая, а ту и некролоґи за упокоєних священїкох о. Томислава Дудаша и о. Петра Речена.