РУСКИ КЕРЕСТУР – У парохиї св. оца Миколая вишло 9. тогорочне число Християнского часопису „Дзвони”.
У рубрики „Духовне заренко” напис пошвецени молитви Ружанца, а у „Стереотипох” о. Малацко пише пригодни текст о Националним совиту Руснацох.
Ту и актуалносци зоз вселенскей Церкви, подїя у православним швеце о прерватих одношеньох медзи патриярхами, як и висти з наших парохийох.
У нових „Дзвонох” и велї духовни преглїбйованя, предлуженє написох о початку духовних вежбох за младих, здогадованє на професора и теолоґа Владету Єротича, шведоченє Хедєшовей фамелиї зоз Малого Лошиню.
У додатку „Богословска думка” нови предлуженя папового писма фамелийом о „Любови у фамелиї” и предлуженя толкованьом особи Пречистей Дїви Мариї.