РУСКИ КЕРЕСТУР – У Велькей сали Дома култури нєшка на 20 годзин керестурске оддзелєнє Школи за основне музичне образованє (ШОМО) з Кули орґанизує Концерт своїх школярох з нагоди законченя школского року.
Вчера вечар у Концертней сали Школи у Кули отримани Концерт найуспишнєйших школярох Школи у закончуюцим школским року, и медзи 12 школярами наступели пецеро з керестурского оддзелєня – Иґор Папуґа, Леонтий Сивч, Виктор Хрин, Матей Катрина и Михайло Рацпети, як и Лара Сопка з Кули.
З тей нагоди преглашени и школяр ґенерациї, а то Милица Радошевич з Кули, школярка шестей класи на гармоники у класи Тамари Лукач.
На 7. юния ШОМО орґанизує ище єден концерт з нагоди законченя школского року хтори будзе у Кули у Концертней сали школи на 19 годзин. Уход на шицки концерти шлєбодни.
