КУЛА – Нєшка будзе отримана остатня схадзка Скупштини општини (СО) Кула, на котрей заплановане гласанє о Предкладу Одлуки о буджету Општини за наиходзаци 2018. рок, котри планує векшу потримовку социялней защити, здравству и образованю, а будзе представене и задлужованє Општини Кула.
Попри тим, будзе розправяне о снованю заєднїцкого ЯКП „Пречисцовач Вербас-Кула”, а буду представени и деталї коло реґулованя туристичней локациї Водица у Руским Керестуре.
Пред одборнїками буду и предкладаня кадровского плану Општинскей управи, Ришеня о даваню согласносци на програм дїлованя за наступни 2018. рок явних комуналних подприємствох на териториї општини, та предклади Ришеньох о даваню согласносци на плани роботи за 2018. рок установох чий снователь Општина.