КУЛА – Духовне стретнуце на тему: „Споведз апостола Петра” отримане вовторок, 17. юлия у манастиру оцох Василиянох у Кули. На инциятиву шестри Кекилиї (СНМД) котра у бешеди зоз вирнима цо приходза до церкви и виражели жаданє же би ше орґанизовало таке стретнуце, а у поради и орґанизациї оцох Василиянох зоз Кули о. Дамяна Кича ЧСВВ, иґумена манстира и о. Платона Салака ЧСВВ, иницировала його реализацию. О теми бешедовала шестра Авґустина Илюк (СНМД).
Присутни були углавним вирни зоз Кули, алє и єдна особа зоз Коцура и двойо зоз Босней. Учашнїки були барз уважни и замодлєли же би то нє було єдине таке стретнуце, алє же би ше орґанизовал цали єден циклус. Тото цо могли чуц од шестри Авґустини то же споведз апостола Петра нє була як наша споведз, споведз дзе чишлїме свойо грихи.
То було Петрово припознанє любови ґу Исусови и вири котру Петро мал до Исуса. Чули слова о любови з котру нас Исус люби и пребачує нам нашо грихи кед ше щиро каєме, та нас ознов враца до вичного живота.