Помоц ище 77 паром з Войводини

автор зам
926 Опатрене

НОВИ САД – У Покраїнскей влади вчера, 27. марца, подписани контракти о софинансованю трошкох за биомедицински подпомогнуте оплодзованє (звонкатїлесне оплодзованє) за друге, треце и кажде шлїдуюце дзецко, а право на тоту помоц тераз достали 77 пари з цалей Войводини.

Жадаюци им успих у доставаню потомства, подпредсидатель Покраїнскей влади Дьордє Миличевич на подписованю контрактох гварел же и у Войводини, як и у цалей Сербиї, стопа наталитету вельо нїзша од стопи морталитету и то озда найнеґативнєйши тренд сучасного часу. Прето финансийна потримовка и за звонкатїлесне оплодзованє  важна мира у пронаталней политики Покраїнскей влади.

Програму софинансованя ше витворює прейґ Покраїнского секретарияту за социялну политику, демоґрафию и ровноправносц полох, чий секретар Предраґ Вулетич на подписованю контрактох визначел же то насампредз людска, алє и демоґрафска мира.

– Число парох котри маю почежкосци зоз зачацом руша ше медзи 15 и 17 одсто, а єдно з ришеньох же би достали дзеци и биолоґийно подпомогнуте оплодзованє – гварел Вулетич.

4-APV-02

ПОВЯЗАНИ ТЕКСТИ