НОВИ САД – У ютрейшим ТВ Маґазину у часци пошвеценей польопривреди будзе емитовани прилог о керестурских паприґарох, як и репортажа з Дня продуковательох орґанскей поживи у Новим Садзе.
За Маґазин пририхтани и прилог о сходзе школярох першей ґенерациї рускей ґимназиї, прилог о реновированю грекокатолїцкей церкви у Дюрдьове, звит з турниру у малим фодбалє за ветеранох у рамикох СБ „Яша Баков” у Дюрдьове, як и репортажа з вистави „Улїца здравя”, хтора промовує домашнї продукти
Реприза ТВ Маґазину будзе такой на пондзелок вноци на 2 г. и на штварток на 21,30 г. (по емисиї „Добри вечар, Войводино”).