ДЮРДЬОВ – Гоч у Дюрдьове и жабельскей општини през викенд на вецей заводи падал шнїг, драги були очисцени и преходни. По оперативним планє жимскей служби ЯП „Розвой” зоз Жаблю за период од 15. новембра по 31. марец, за чисценє шнїгу по местох у општини Жабель анґажоване подприємство д.о.о. „Копово” зоз Жаблю, хторе у спомнутим чаше дежура 24 годзини.
Попри драгох, у Дюрдьове були очисцени и автобуска станїца, пияц, дражки опрез амбуланти, школи, пошти и других важних институцийох.
За посипанє дражкох, ЯП „Розвой” обезпечело 10 тони солї, а з Месней заєднїци надпоминаю же опрез своїх обисцох гражданє муша сами поодметац шнїг.
Главну драгу спрам Темерину, Шайкашу и Бачкого Ґрадишту отримує ЯП „Драги Сербиї”.