БРАТИСЛАВА (СЛОВАЦКА) – Вчера у Братислави кнїжка „Jedenie” (Єдзенє) автора Ивана Медєша Шукса преложена на словацки язик, достала визначну литературну Награду Анасофт, у катеґориї иножемних авторох чийо дїло преложене на словацки язик.
Кнїжку на словацки язик преложел Марош Воловар, а обявело ю восточнословацке Виходнярске здруженє „Валал” з Петриковцох 2018. року, о чим писал и Рутенпрес.
По пропозицийох орґанизатора того литературного конкурсу, постоя вецей елиминацийни круги, а побиднїк вибрани у трецим, дзе победзел штирох конкурентох и достал пенєжну награду од 10 тисячи евра.